كيف أثبت وطنيتي

كبف أثبت وطنيتي!

كيف ممكن أن أثبت وطنيتي بدون ما يجي واحد مستغل للبلد يحكيلي اللي مش عاجبو يروح.

كيف ممكن أكون بحب البلد و ما يكون بدي ايها تصير أحسن

و كيف ممكن أحبها بدون ما أشتغل علشان أخليها أحسن

بدنا ننتقد، و بدنا نفضح الفساد، و بدنا نحاسب المسؤولين عن اللي بصير بالبلد.

بدنا ديمقراطية و اصلاح، و بدنا نعرف وين راحت مصاري الخصخصة، و بدنا نعرف ايش عم بصير بمصاري الضمان

بدنا نعرف كيف بعد الكازينو و التزوير بصيروا وزراء و كيف الناس و على أي أساس بتصير مستشار غير عشان الوالد

بدنا نعرف هاي البلد وين راحت مواردها

بدنا نعرف كيف ممكن نصير مواطنين بدون ما حدا يخونا

ياللي بتخونونا ايش عملتو للبلد؟ انتوا

نهبتوها بالواسطات و عاملين حالكم بتحبوها .

هاي بلد مش مزرعة، و مافي لاي حدا فضل عليها مين ما كان يكون.

البلد الها فضل على كل ولادها مين ما كان اصلهم و مين ما كان جدودهم

هاي البلد مش للحرمية و المستفيدين، هاي البلد لكل اللي بحبها، و لا يكمن نسمح لاي حدا انو يشكك بوطنيتنا

و مش راح نسكت عن الفساد و المفسدين

لانو احنا وطنيين مش وطنجيين

أي فتنة هاي اللي بحكوا عنها! فتنة بين الوطنيين و البلطجية!

مافي حدا راح يخوفنا من فتنة تافه مفتعلة.

الشغب كل موحد ضد البلطجية و الشعب كلوا بدوا اصلاح.

و ما راح نسمح لاي حدا يشكك بوطنيتنا بعد اليوم.

أنا اسف على الكلمات النابية اللي بالفيديو التالي. رجاء توطوا الصوت