جين الحداقة عند الشعب الأردني!
الحلو بالشعب الأردني انو كلو مفكر حالو "الحدق"؛
؛
شوفير التكسي مفكر حالو الحدق بالسواقة
تاع الكوستر هوي الحدق اللي زي ما بدو بطلع و بصف
اللي ما يضرب غماز برضو حدق لإنو أزعر و بدببر حالو
المشاة اللي بنط من على الجسر اللي على الجزيرة حدق ، لإنو المغفل هو اللي بطلع على جسر المشاة، و طبعا اللي اندعسو قبلو هدول الهبايل أما الحدقين من أمثالو فما بصيرلهم اشي
طبعا الحدق برضو ما بمشي على الرصيف
اللي ما بوقف على الدوار عشنوا عيب يستنا للدوار ليفضى، مفكر حالو الحدق اللي بعرف كيف ينفد بسرعة و طبعا بعديها بسكر الدنيا بحداقتوا
اللي اشارتو خضرة بس الدنيا قدامو مسكرة و مع هيك طلع و سكر التقاطع برضو مفكر حالو حدق عشنو نفد على الإشارة
؛
تاعون الأسهم اللي خسروا كانوا مفكرين حالهم الحدقين اللي فاهمين "السوق"؛ا
اللي و انت واقف على الطابور (ان وجد) بيجي بدحش حالو قدامك مفكر خالو الحدق و انك ما شفتوا
الشب مفكر حالو حدق و بضحك على البنت، و هي مفكرة حالها حدقة و فاهمة الشباب
طبعا تاع الزعرة (السيارة) مفكر حالو حدق و انو سيارتة هيك صح بكل الزينة تاعتو
النصاب بفكر حالو حدق و اللي انتصب عليه بكون بحكي انو هو الحدق اللي مستحيل ينتصب عليه
المسؤول الحرامي بكون مفكر حالو جدق لما يحط القانون الناسب لشركاتو و الشعب طبعا برضو حدق لإنو عارف و زي التوتو ساكت
؛
كلنا حدقين
؛
يتبع...؛
posted by ABOUD at 15:13
7 Comments:
واحد عاهة و لازمو دورة تقوية حتى يرتقي لمستوى طنط قاعد يفتي على سمانا و لاقط كل الحدقين
وإنتا مفكر حالك أحدق منهم كلهم، عشان هيك عم تكتب عنهم
LOL wo sharafy mazboot, wo tensash el 7edgeen el befta7o the same project or business near 25 existing old ones, 3a 2asas yoltoshoo el zabayen:) wo 3a seeret el za3ra stay tuned for the new car ;)
halaaaaaaaaaaaaaaaa 3booooouuuuuud
haaalaaaaaaaaaaaa bel maaaaaaaan
lol this is so true, I wish I could have every cab driver read this post.
ash: looool I forgot than one man, may in jeen el 7adaga 2 I should put it
tamra: I don't want to sound racist but taxi drivers are the worst people ever (or at least most of them).
مقال حدق :)
بس ما فهمت ايش يعني ساكتين زي التوتو
هاهاها
يعني ساكتين و لا مبسوطين علي بصير
Post a Comment
<< Home